டூயல் கேமரா, 6ஜிபி ரேம் கொண்ட ஸ்மார்ட்போன் இந்தியாவில் அறிமுகம்

டூயல் கேமரா, 6ஜிபி ரேம் கொண்ட ஸ்மார்ட்போன் இந்தியாவில் அறிமுகம்

ஹாங் காங்கை சேர்ந்த இன்ஃபினிக்ஸ் ஸ்மார்ட்போன் நிறுவனம் உயர் ரக ஸ்மார்ட்போன்களை இந்தியாவில் அறிமுகம் செய்துள்ளது. இன்ஃபினிக்ஸ் சீரோ 5 மற்றும் சீரோ 5 ப்ரோ என்ற ஸ்மார்ட்போன்களும் துபாயில் நடைபெற்ற விழாவில் அறிமுகம் செய்யப்பட்டன. 5.98 இன்ச் 1080 பிக்சல் டிஸ்ப்ளே கொண்டுள்ள புதிய ஸ்மார்ட்போன் மீடியாடெக் ஹீலியோ P25 ஆக்டாகோர் சிப்செட் மற்றும் 6 ஜிபி ரேம் கொண்டுள்ளது. 

ஆண்ட்ராய்டு 7.0 நௌக்கட் இயங்குதளம் கொண்டு இயங்கும் இன்ஃபினிக்ஸ் சீரோ 5 ஸ்மார்ட்போனில் 12 எம்பி டூயல் பிரைமரி கேமரா மற்றும் 16 எம்பி செல்ஃபி கேமரா வழங்கப்பட்டுள்ளது. மெட்டல் யுனிபாடி வடிவமைப்பு கொண்டுள்ள இன்ஃபினிக்ஸ் சீரோ 5 4350 எம்ஏஎச் பேட்டரி கொண்டு சக்தியூட்டப்பட்டுள்ளது.



இன்ஃபினிக்ஸ் சீரோ 5 சிறப்பம்சங்கள்:

- 5.98 இன்ச் 1920x1080 பிக்சல் ஃபுல் எச்டி 2.5D வளைந்த கிளாஸ் டிஸ்ப்ளே
- 2.6 ஜிகாஹெர்ட்ஸ் ஆக்டாகோர் மீடியாடெக் ஹீலியோ P25 16nm பிராசஸர்
- மாலி-T880 GPU
- 6 ஜிபி ரேம்
- 64 ஜிபி இன்டெர்னல் மெமரி
- மெமரியை நீட்டிக்கும் வசதி
- ஆண்ட்ராய்டு 7.0 நௌக்கட் மற்றும் XOS 3.0
- 12 எம்பி பிரைமரி கேமரா, சோனி IMX386 சென்சார், f/2.0 அப்ரேச்சர், 1.25μm பிக்சல்
- 13 எம்பி பிரைமரி கேமரா, சாம்சங் S5K3M3 சென்சார், f/2.6 அப்ரேச்சர், 1.0μm பிக்சல்
- 16 எம்பி செல்ஃபி கேமரா, f/2.0 அப்ரேச்சர்
- கைரேகை ஸ்கேனர்
- 4ஜி வோல்ட்இ, வைபை, ப்ளூடூத்
- 4350 எம்ஏஎச் பேட்டரி, ஃபாஸ்ட் சார்ஜிங்



இன்ஃபினிக்ஸ் சீரோ 5 ஸ்மார்ட்போன் ஷேம்பெயின் கோல்டு மற்றும் போர்டாக்ஸ் ரெட் நிறங்களில் கிடைக்கிறது. இதன் விலை ரூ.17,999 என நிர்ணயம் செய்யப்பட்டுள்ளது. 

இத்துடன் அறிமுகமான இன்ஃபினிக்ஸ் சீரோ 5 ப்ரோ ஸ்மார்ட்போனில் 128 ஜிபி இன்டெர்னல் மெமரி வழங்கப்பட்டுள்ளதோடு சான்ட்ஸ்டோன் பிளாக் நிறத்தில் கிடைக்கிறது. இன்ஃபினிகிஸ் சீரோ 5 ப்ரோ ஸ்மார்ட்போன் விலை ரூ.19,999 என நிர்ணயம் செய்யப்பட்டுள்ளது. 

இன்ஃபினிக்ஸ் சீரோ 5 சீரிஸ் ஸ்மார்ட்போன்கள் இந்தியாவில் பிரத்யேகமாக பிளிப்கார்ட் தளத்தில் மட்டும் விற்பனை செய்யப்படுகிறது. இதன் விற்பனை நவம்பர் 22-ம் தேதி மதியம் 12.00 மணிக்கு துவங்குகிறது. 

இத்துடன் கொயட் 2 வையர்டு மற்றும் கொயட் X வயர்லெஸ் ஹெட்போன்களை முறையே ரூ.2,499 மற்றும் ரூ.6,999 விலையில் அறிமுகம் செய்துள்ளது. எனினும் அறிமுக தினத்தில் இவை முறை ரூ.1,499 மற்றும் ரூ.4,999 விலையில் விற்பனை செய்யப்பட இருக்கிறது.

Tamiltech Author

TamilTech

Get the latest news, reviews, developments and trends in all Technology News including Gadgets, Science, Mobile, Internet, New Product Launches, Apps, Games, Creatives, Computing and Other Technology News in Tamil.