இந்தியாவில் டாடா நெக்சன்: விலை மற்றும் முழு தகவல்கள்

இந்தியாவில் டாடா நெக்சன்: விலை மற்றும் முழு தகவல்கள்

இந்தியாவில் அதிகம் எதிர்பார்க்கப்பட்ட டாடா நெக்சன் எஸ்.யு.வி மாடல் வெளியிடப்பட்டது. டாடா மோட்டார்ஸ் நிறுவனத்தின் முதல் 4-மீட்டர் ஸ்போர்ட்ஸ் யூடிலிட்டி வாகனமாக டாடா நெக்சன் இருக்கிறது. இந்தியாவில் புதிய நெக்சன் பெட்ரோல் மாடல் விலை ரூ.5.85 லட்சத்தில் துவங்கி அதிகபட்சம் ரூ.8.60 லட்சம் என நிர்ணயம் செய்யப்பட்டுள்ளது. நெக்சன் டீசல் மாடல்களின் விலை ரூ.6.85 லட்சத்தில் துவங்கி அதிகபட்சம் ரூ.9.45 லட்சம் என நிர்ணயம் செய்யப்பட்டுள்ளது.

புதிய நெக்சன் ரங்கூனில் அமைக்கப்பட்டுள்ள தயாரிப்பு ஆலையில் தயாரிக்கப்பட்டு வருகிறது. இதே இடத்தில் ஜீப் காம்பஸ் மாடல்களும் தயாரிக்கப்படுகிறது. நெக்சன் மாடல்களுக்கான முன்பதிவுகள் இந்தியா முழுக்க ஏற்கனவே துவங்கியுள்ள நிலையில், விநியோகம் விரைவில் துவங்கும் என எதிர்பார்க்கப்படுகிறது. 

இந்தியாவில் டாடா நெக்சன் XE, XM, XT, மற்றும் XZ+ என நான்கு மாடல்களிலும், மொரோக்கான் புளூ, வெர்மோன்ட் ரெட், சீட்டிள் சில்வர், கிளாஸ்கோ கிரே மற்றும் கிளாகரி வைட் நிறங்களில் வெளியிடப்பட்டுள்ளது. 

டாடாவின் சமீபத்திய வடிவமைப்புகளை சார்ந்து புதிய நெக்சன் உள்புறம் மற்றும் வெளிப்புறங்களில் மிக நேர்த்தியாகவும், அழகாகவும் உருவாக்கப்பட்டுள்ளது. இத்துடன் ப்ரோஜெக்டபர் ஹெட்லேம்ப், பகல் நேரத்தில் எரியும் எல்இடி மின்விளக்குகள், எல்இடி டெயில்லேம்ப் மற்றும் எச்டி இன்ஃபோடெயின்மென்ட் டிஸ்ப்ளே மற்றும் மல்டி-டிரைவிங் மோட் சிஸ்டம் வழங்கப்பட்டுள்ளது. 

\"\"

நெக்சன் மாடலில் 6.5 இன்ச் எச்டி ஸ்கிரீன் மற்றும் புத்தம் புதிய நெக்சன் இன்டர்ஃபேஸ் வழங்கப்பட்டுள்ளது. இன்ஃபோடெயின்மென்ட் சிஸ்டத்துடன் ஆண்ட்ராய்டு ஆட்டோ மற்றும் ஆப்பிள் கார் பிளே உள்ளிட்ட அம்சங்கள் வழங்கப்பட்டுள்ளது. இத்துடன் 8 ஸ்பீக்கர்கள் கொண்ட ஹார்மன் ரக ஸ்பீக்கர் வழங்கப்பட்டுள்ளது. இதன் டேஷ்போர்டு டூயல் டோன் பெயின்ட் செய்யப்பட்டுள்ளது. 

இன்ஜின் அம்சங்களை பொருத்த வரை டாடா நெக்சன் மாடலில் 1.2 லிட்டர் மூன்று சிலிண்டர் டர்போசார்ஜ்டு ரெவோடிரான் பெட்ரோல் மோட்டார் மற்றும் புதிதாய் உருவாக்கப்பட்டுள்ள 1.5 லிட்டர் ரெவோடார்க் நான்கு சிலிண்டர் டீசல் இன்ஜின் வழங்கப்பட்டுள்ளது. இதில் பெட்ரோல் யூனிட் டர்போசார்ஜ்டு மோட்டார் டியாகோ மற்றும் டிகோர் மாடல்களில் வழங்கப்பட்டுள்ளது. 

இந்த இன்ஜின்களில் 108 bhp, 5000 rpm செயல்திறன் மற்றும் 170 Nm டார்கியூ மற்றும் 2000-4000 rpm கொண்டுள்ளது. இதன் டீசல் மோட்டார் 108 bhp, 3750 rpm மற்றும் 260 Nm டார்கியூ மற்றும் 1500-2750 rpm செயல்திறன் கொண்டுள்ளது. இரண்டு இன்ஜின்களும் 6-ஸ்பீடு மேனுவல் கியர்பாக்ஸ் கொண்டுள்ளது.

இந்தியாவில் டாடா நெக்சன் மாடல் மாருதி சுசுகி விடாரா பிரெஸ்ஸா, ஃபோர்டு இகோஸ்போர்ட், மஹேந்திரா TUV300 மற்றும் ஹோன்டா WR-V மாடல்களுக்கு போட்டியாக அமையும்.

Tamiltech Author

TamilTech

Get the latest news, reviews, developments and trends in all Technology News including Gadgets, Science, Mobile, Internet, New Product Launches, Apps, Games, Creatives, Computing and Other Technology News in Tamil.