இந்தியாவில் மேக்புக் ப்ரோ, ஐபேட் ப்ரோ டேப்லெட்கள் விற்பனை துவங்கியது

இந்தியாவில் மேக்புக் ப்ரோ, ஐபேட் ப்ரோ டேப்லெட்கள் விற்பனை துவங்கியது

ஆப்பிள் நிறுவனத்தின் டெவலப்பர்கள் மாநாட்டில் அறிமுகம் செய்யப்பட்ட புதிய ஐபேட் ப்ர டேப்லெட்கள், ஐமேக் AIO மற்றும் மேம்ப்டுத்தப்பட்ட மேக்புக் ப்ரோ லேப்டாப்களின் இந்திய விற்பனை ஒருவழியாக துவங்கியுள்ளது. இவற்றை ஆப்பிள் அதிகாரப்பூர்வ விற்பனை மையங்களில் வாங்கிட முடியும். 
 
புதிய ஐபேட் மாடல்கள் ஏற்கனவே ஆப்பிள் இணையதளத்தில் பட்டியலிடப்பட்டுள்ளன. இவற்றின் விலை மற்றும் முழு சிறப்பம்சங்களும் இணையதளத்தில் அப்டேட் செய்யப்பட்டுள்ளது. 
 
10.5-இன்ச் ஐபேட் ப்ரோ
 
\"\"
 
புதிய 10.5-இன்ச் ஐபேட் ப்ரோ சில்வர், ஸ்பேஸ் கிரே மற்றும் ரோஸ் கோல்டு நிறங்களில் கிடைக்கிறது. வை-பை வசதி கொண்ட மாடல்களின் 64 ஜிபி, 256 ஜிபி மற்றும் 512 ஜிபி விலை முறையே ரூ.50,800, ரூ.58,300 மற்றும் ரூ.73,900 என நிர்ணயம் செய்யப்பட்டுள்ளது. வை-பை மற்றும் செல்லுலார் வசதி கொண்ட மாடல் விலை ரூ.61,400, ரூ.68,900 மற்றும் ரூ.84,500 என நிர்ணயம் செய்யப்பட்டுள்ளது. 
 
12.9 இன்ச் ஐபேட் ப்ரோ
 
\"\"
 
புதிய 12.9-இன்ச் ஐபேட் ப்ரோ சில்வர், ஸ்பேஸ் கிரே மற்றும் ரோஸ் கோல்டு நிறங்களில் கிடைக்கிறது. வை-பை வசதி கொண்ட மாடல்களின் 64 ஜிபி, 256 ஜிபி மற்றும் 512 ஜிபி விலை முறையே ரூ.63,500, ரூ.70,900 மற்றும் ரூ.86,400 என நிர்ணயம் செய்யப்பட்டுள்ளது. வை-பை மற்றும் செல்லுலார் வசதி கொண்ட மாடல் விலை ரூ.74,100, ரூ.81,400 மற்றும் ரூ.97,000 என நிர்ணயம் செய்யப்பட்டுள்ளது. 
 
புதிய ஐபேட் ப்ரோ டேப்லெட்களில் ஃபுல்-சைஸ் ஐ.ஒ.எஸ். 11 கீபோர்டினை திரையில் சப்போர்ட் செய்கிறது. இத்துடன் ட்ரூ-டோன் கலர் டிஸ்ப்ளே, 600நிட்ஸ் பிரைட்னஸ் மற்றும் எச்.டி.ஆர். வீடியோ வசதி வழங்கப்பட்டுள்ளது.
 
மேக்புக் ப்ரோ
 
\"\"
 
மேம்படுத்தப்பட்ட 13-இன்ச் மேக்புக் ப்ரோ டச் பார் இல்லாத மாடல் 128 ஜிபி எஸ்.எஸ்.டி. ஸ்டோரேஜ் கொண்ட மாடல் ரூ.1,04,900 என நிர்ணயம் செய்யப்பட்டுள்ளது. டச் பார் கொண்ட 13-இன்ச் மேக்புக் ப்ரோ ரூ.1,47,900 என நிர்ணயம் செய்யப்பட்டுள்ளது. 
 
இதேபோல் 15-இன்ச் திரை கொண்ட பேஸ் மாடல் மேக்புக் ப்ரோ டச் ஐடி மாடல் ரூ.1,95,800 ஆகும். அனைத்து மாடல்களிலும் இன்டெல் ஏழாம் தலைமுறை கேபி லேக் பிராசஸர் மூலம் இயங்குகிறது.
 
மேக்புக் ஏர் மற்றும் 12-இன்ச் மேக்புக்
 
\"\"
 
இன்டெல் ஏழாம் தலைமுறை கேபி லேக் பிராசஸர் மூலம் இயங்கும் ஆப்பிள் மேக்புக் ஏர் 128 ஜிபி எஸ்.எஸ்.டி. ஸ்டோரேஜ் கொண்ட மாடல் ரூ.80,000 என நிர்ணயம் செய்யப்பட்டுள்ளது. 12-இன்ச் மேக்புக்கிலும் இன்டெல் கேபி லேக் பிராசஸர் வழங்கப்பட்டுள்ளது. இதன் விலை ரூ.1,04,800 முதல் துவங்குகிறது.
 
 
ஐமேக் 21.5-இன்ச் மற்றும் 27-இன்ச்
 
 
\"\"
 

 

மேம்படுத்தப்பட்ட 21.5 இன்ச் 4K ரெட்டினா டிஸ்ப்ளே இல்லாத ஐமேக் விலை ரூ.90,200 என நிர்ணயம் செய்யப்பட்டுள்ளது. 21.5 இன்ச் 4K ரெட்டினா டிஸ்ப்ளே கொண்ட மாடல் ரூ.1,06,400 என நிர்ணயம் செய்யப்பட்டுள்ளது. இத்துடன் 27-இன்ச் மாடல் ரூ.1,47,400 என நிர்ணயம் செய்யப்பட்டுள்ளது.
Tamiltech Author

TamilTech

Get the latest news, reviews, developments and trends in all Technology News including Gadgets, Science, Mobile, Internet, New Product Launches, Apps, Games, Creatives, Computing and Other Technology News in Tamil.