சத்தான சைடிஷ் கேரட் தயிர் பச்சடி

சத்தான சைடிஷ் கேரட் தயிர் பச்சடி

தேவையான பொருட்கள் :

தயிர் - 1 கப்
கேரட் - 2 
உப்பு - தேவையான அளவு
பெருங்காயத்தூள் - கால் டீஸ்பூன்
சீரகம் - அரை டீஸ்பூன்
கொத்தமல்லித்தழை - சிறிதளவு

தாளிக்க :

எண்ணெய் - அரை டீஸ்பூன்
கடுகு - அரை டீஸ்பூன்
இஞ்சி - அரை டீஸ்பூன் 
உளுந்து - அரை டீஸ்பூன்
பச்சை மிளகாய் - 2 

\"\"

செய்முறை :

* கேரட்டை துருவிக்கொள்ளவும்.

* இஞ்சி, ப..மிளகாய், கொத்தமல்லியை பொடியாக நறுக்கி கொள்ளவும்.

* ஒரு கிண்ணத்தில் தயிர், உப்பு, பெருங்காயத்தூள் சேர்த்து, முட்டை அடித்துக் கலக்கும் கரண்டியால் க்ரீம் பதத்துக்கு அடித்துக் கலக்கவும். 

* அடுப்பில் வாணலியை வைத்து எண்ணெய் ஊற்றி, தாளிக்க வேண்டியதைச் சேர்த்துத் தாளித்த பின் அதில் கேரட் துருவல், சீரகம், கொத்தமல்லித்தழை சேர்த்து ஒரு நிமிடம் வதக்கி அடுப்பை அணைக்கவும். 

* வதக்கிய கேரட் கலவையை தயிர்க்கலவையில் சேர்த்துக் கலக்கிப் பரிமாறவும்.

* சத்தான கேரட் தயிர் பச்சடி ரெடி.

* இதை சாலட் போன்றும் சாப்பிடலாம். அனைத்து காய்கறிகளிலும் இந்த பச்சடியை செய்யலாம்.

Tamiltech Author

TamilTech

Get the latest news, reviews, developments and trends in all Technology News including Gadgets, Science, Mobile, Internet, New Product Launches, Apps, Games, Creatives, Computing and Other Technology News in Tamil.