சத்து நிறைந்த கம்பு முட்டை ரொட்டி

சத்து நிறைந்த கம்பு முட்டை ரொட்டி

தேவையான பொருட்கள் :

கம்பு மாவு - 100 கிராம்
கோதுமை மாவு - 50 கிராம்
உப்பு - தேவையான அளவு
மிதமான சூட்டில் உள்ள தண்ணீர் - மாவு பிசைய
எண்ணெய் - சிறிதளவு

முட்டை மிக்‌ஸர் :

முட்டை - 3
பெரிய வெங்காயம் - 2 
பச்சை மிளகாய் - 2 
கொத்தமல்லித்தழை - சிறிதளவு
உப்பு - தேவையான அளவு

\"\"

செய்முறை :

* வெங்காயம், ப.மிளகாய், கொத்தமல்லியை பொடியாக நறுக்கி கொள்ளவும்.

* ஒரு பாத்திரத்தில் முட்டையை உடைத்து ஊற்றி, மிருதுவாகும் வரை பீட்டரால் அடித்துக் கலக்கவும். 

* அடுத்து அதில் வெங்காயம், பச்சை மிளகாய், கொத்தமல்லித்தழை, உப்பு சேர்த்து மீண்டும் பீட்டரால் அடித்துக் கலக்கவும். 

* ஒரு பாத்திரத்தில் கம்பு, கோதுமை மாவுகளை சலித்து உப்பு சேர்த்துக் கலக்கவும். 

* அடுத்து அதில் மிதமான சூட்டில் உள்ள வெந்நீரைச் சேர்த்து ரொட்டி பதத்துக்கு மிருதுவாகப் பிசைந்து 30 நிமிடம் மூடி போட்டு தனியாக வைக்கவும். 

* அடுப்பில் தவாவை வைத்து எண்ணெய் விட்டு மிதமான தீயில் சூடுபடுத்தவும். 

* மாவை சின்னச் சின்ன உருண்டைகளாகப் பிரிக்கவும். எண்ணெய் தடவிய பிளாஸ்டிக் ஷீட் அல்லது எண்ணெய் தடவிய வாழை இலையில், மாவு உருண்டையை வைத்து விரல்களால் நன்கு வட்டமாக சற்று தடிமனாக தட்டவும்.

* தவாவில் ரொட்டியை வைத்து முட்டைக் கலவையை ஒரு டேபிள்ஸ்பூன் எடுத்து ரொட்டியின் மீது ஸ்பூனால் நன்கு பரப்பி விடவும். ரொட்டியைச் சுற்றியும், மேலேயும் லேசாக எண்ணெயைத் தெளித்து விடவும். 

* ஒரு புறம் வெந்ததும் ரொட்டியைத் திருப்பி போட்டு மறுபுறம் வேக விடவும். 

* எண்ணெயைச் சிறிது தெளித்து விடவும். வெந்ததும் எடுத்து பூண்டு சட்னி அல்லது ஆனியன் ரைத்தாவோடு பரிமாறவும்.

* சூப்பரான சத்தான கம்பு முட்டை ரொட்டி ரெடி.

Tamiltech Author

TamilTech

Get the latest news, reviews, developments and trends in all Technology News including Gadgets, Science, Mobile, Internet, New Product Launches, Apps, Games, Creatives, Computing and Other Technology News in Tamil.