சாம்சங் கேலக்ஸி எஸ்9 மற்றும் எஸ்9 பிளஸ் அறிமுகம்

சாம்சங் கேலக்ஸி எஸ்9 மற்றும் எஸ்9 பிளஸ் அறிமுகம்

சாம்சங் அன்பேக்டு 2018 விழாவில் கேலக்ஸி எஸ்9 சீரிஸ் ஸ்மார்ட்போன்கள் அறிமுகம் செய்யப்பட்டன. பார்சிலோனாவில் நடைபெற்ற சர்வதேச மொபைல் காங்கிரஸ் 2018 விழாவில் புதிய கேலக்ஸி எஸ்9 சீரிஸ் ஸ்மார்ட்போன்கள் அனைவரின் கவனத்தை ஈர்த்தது. 
 
கேலக்ஸி எஸ்9 ஸ்மார்ட்போனில் 12 எம்பி பிரைமரி கேமரா, f/2.4-f/1.5  வேரிபிள் அப்ரேச்சர் அம்சம் வழங்கப்பட்டிருக்கிறது. எஸ்9 பிளஸ் ஸ்மார்ட்போனில் 12 எம்பி டூயல் பிரைமரி கேமரா, f/2.4-f/1.5 வேரிபிள் அப்ரேச்சர் மற்றும் போக்கெ எஃபெக்ட் உள்ளிட்டவை வழங்கப்பட்டிருக்கிறது.
 
சோனி ஃபிளாக்ஷிப் ஸ்மார்ட்போன்களை போன்றே புதிய ஸ்மார்ட்போனிலும் 960fps சூப்பர் ஸ்லோ-மோ வீடியோ ஆப்ஷன் கொண்டுள்ளது. இத்துடன் ஆட்டோமேடிக் மோஷன் டிடெக்ஷன் மற்றும் நகரும் ஃபிரேம்களை கண்டறிந்து தானாக பதிவு செய்யும் வசதி கொண்டிருக்கிறது. சூப்பர் ஸ்லோ-மோ வீடியோ பதிவு செய்ததும், பின்னணியில் இசையை சேர்க்க 35 வெவ்வேறு ஆப்ஷன்களும், வாடிக்கையாளர்கள் விரும்பும் இசையை தேர்வு செய்யும் வசதியும் வழங்கப்படுகிறது.
 
 
இரண்டு ஸ்மார்ட்போன்களிலும் இன்ஃபினிட்டி டிஸ்ப்ளே, எண்ட்-டூ-எண்ட் பெசல் லெஸ் ஸ்கிரீன் வழங்கப்பட்டிருக்கிறது. எஸ்9 ஸ்மார்ட்போனில் 5.8 இன்ச் குவாட் ஹெச்.டி. பிளஸ் ஸ்கிரீன், எஸ்9 பிளஸ் ஸ்மார்ட்போனில் 6.2 இன்ச் குவால் ஹெச்.டி. பிளஸ் ஸிகீரன், கார்னிங் கொரில்லா கிளாஸ் 5 உள்ளிட்டவை வழங்கப்பட்டிருக்கிறது.
 
இத்துடன் AKG ஸ்டீரியோ ஸ்பீக்கர்கள் மற்றும் டால்பி அட்மோஸ் சவுண்ட் சப்போர்ட் வழங்கப்பட்டிருக்கிறது. இதுவரை வெளியான கேலக்ஸி ஸ்மார்ட்போன்களை விட சத்தமான ஸ்பீக்கர்கள் புதிய ஸ்மார்ட்போன்களில் வழங்கப்பட்டுள்ளது. ஐபோன் X அனிமோஜி போன்றே AR எமோஜி ஆப்ஷன் வழங்கப்பட்டிருக்கிறது. 
 

 
சாம்சங் கேலக்ஸி எஸ் 9 சிறப்பம்சங்கள்:
 
- 5.8 இன்ச் குவாட் ஹெச்.டி. பிளஸ் 2960x1440 பிக்சல் சூப்பர் AMOLED இன்ஃபினிட்டி டிஸ்ப்ளே
- கார்னிங் கொரில்லா கிளாஸ் 5
- ஆக்டாகோர் குவால்காம் ஸ்னாப்டிராகன் 845, சாம்சங் எக்சைனோஸ் 9810 சிப்செட்
- அட்ரினோ 630, மாலி GPU G72M18GPU
- 4 ஜிபி ரேம்
- 64 ஜிபி / 128 ஜிபி / 256 ஜிபி இன்டெர்னல் மெமரி
- மெமரியை கூடுதலாக நீட்டிக்கும் வசதி
- ஆண்ட்ராய்டு 8.0 ஓரியோ
- டூயல் சிம் ஸ்லாட்
- 12 எம்பி டூயல் பிக்சல் பிரைமரி கேமரா, எல்இடி ஃபிளாஷ், f/2.4-f/1.5 வேரியபிள் அப்ரேச்சர்
- 8 எம்பி செல்ஃபி கேமரா, f/1.7 aperture
- வாட்டர் மற்றும் டஸ்ட் ரெசிஸ்டண்ட் (IP68)
- 4ஜி வோல்ட்இ, வைபை, ப்ளூடூத்
- 3000 எம்.ஏ.ஹெச். பேட்டரி, ஃபாஸ்ட் சார்ஜிங், வயர்லெஸ் சார்ஜிங் வசதி
 

 
சாம்சங் கேலக்ஸி எஸ்9 பிளஸ் சிறப்பம்சங்கள்:
 
-  6.2 இன்ச் குவாட் ஹெச்.டி. பிளஸ் 2960x1440 பிக்சல் சூப்பர் AMOLED இன்ஃபினிட்டி டிஸ்ப்ளே
- கார்னிங் கொரில்லா கிளாஸ் 5
- ஆக்டாகோர் குவால்காம் ஸ்னாப்டிராகன் 845, சாம்சங் எக்சைனோஸ் 9810 சிப்செட்
- அட்ரினோ 630, மாலி G72M18GPU
- 6 ஜிபி ரேம்
- 64 ஜிபி / 128 ஜிபி / 256 ஜிபி இன்டெர்னல் மெமரி
- மெமரியை கூடுதலாக நீட்டிக்கும் வசதி
- ஆண்ட்ராய்டு 8.0 ஓரியோ
- டூயல் சிம் ஸ்லாட்
- 12 எம்பி பிரைமரி கேமரா, எல்இடி ஃபிளாஷ், f/2.4-f/1.5 வேரியபிள் அப்ரேச்சர்
- 12 எம்பி இரண்டாவது பிரைமரி கேமரா, f/2.4
- 8 எம்பி செல்ஃபி கேமரா, f/1.7 aperture
- வாட்டர் மற்றும் டஸ்ட் ரெசிஸ்டண்ட் (IP68)
- 4ஜி வோல்ட்இ, வைபை, ப்ளூடூத்
- 3500 எம்.ஏ.ஹெச். பேட்டரி, ஃபாஸ்ட் சார்ஜிங், வயர்லெஸ் சார்ஜிங் வசதி
 
சாம்சங் கேலக்ஸி எஸ்9 மற்றும் எஸ்9 பிளஸ் ஸ்மார்ட்போன்கள் மிட்நைட் பிளாக், டைட்டானியம் கிரே, கோரல் புளூ மற்றும் லிலாக் பர்ப்பிள் நிறங்களில் கிடைக்கின்றது. மேலும் இந்தியாவில் புதிய எஸ்9 சீரிஸ் ஸ்மார்ட்போன்களின் முன்பதிவு ஏற்கனவே துவங்கப்பட்டு விட்டது.
 
இந்தியாவில் கேலக்ஸி எஸ் 9 சீரிஸ் ஸ்மார்ட்போன்களை முன்பதிவு செய்ய சாம்சங் அதிகாரப்பூர்வ வலைத்தளத்தை பயன்படுத்திக் கொள்ளலாம். சாம்சங் வலைத்தளத்தில் முன்பதிவு செய்வோர் தங்களின் பெயர், மொபைல் நம்பர், மின்னஞ்சல் முகவரி, மாடல் நம்பர் மற்றும் நிறம் உள்ளிட்டவற்றை பதிவு செய்ய வேண்டும்.
 
 
இனி முன்பதிவு செய்ய ரூ.2000 செலுத்த வேண்டும். புதிய ஸ்மார்ட்போன்கள் வெளியிடப்படும் போது மின்னஞ்சல் மற்றும் எஸ்.எம்.எஸ். மூலம் விலை அனுப்பப்படும். முழு பணம் செலுத்தும் போது பிரீ-புக் கூப்பன் குறியீட்டை பதிவு செய்து முன்னதாக செலுத்திய ரூ.2000-ஐ குறைக்க வேண்டும்.
 
சாம்சங் கேலக்ஸி எஸ்9 சீரிஸ் ஸ்மார்ட்போன்களின் இந்தியா விலை இதுவரை அறிவிக்கப்படவில்லை. எனினும் மார்ச் மாத முதல் வாரத்தில் இந்திய வெளியீடு நடைபெறும் என எதிர்பார்க்கப்படுகிறது. பிளிப்கார்ட் தளத்தில் முன்பதவு சார்ந்த தகவல்கள் விரைவில் அப்டேட் செய்யப்படும் என தெரிவிக்கப்பட்டுள்ளது. #MWC2018 #SamsungUNPACKED
Tamiltech Author

TamilTech

Get the latest news, reviews, developments and trends in all Technology News including Gadgets, Science, Mobile, Internet, New Product Launches, Apps, Games, Creatives, Computing and Other Technology News in Tamil.