சுசுகி GSX-S750: இந்திய வெளியீட்டு தகவல்கள்

சுசுகி GSX-S750: இந்திய வெளியீட்டு தகவல்கள்

ஜப்பான் நாட்டு இருசக்கர வாகன தயாரிப்பு நிறுவனமான சுசுகி இந்தியாவில் GSX-S750 மாடல் பைக்கினை வெளயிட இருப்பதாக தகவல்கள் வெளியாகியுள்ளது. 

அதன்படி 2018 ஆட்டோ எக்ஸ்போவில் சுசுகி GSX-S750 மாடல் அறிமுகம் செய்யப்படலாம் என தகவல்கள் வெளியாகியுள்ளது. மேலும் V-ஸ்டார்ம் 650 மாடலும் இந்தியாவில் அறிமுகம் செய்யப்படலாம் என கூறப்படுகிறது. சுசுகி நிறுவனம் முதலில் 750 சிசி மாடலுக்கு முக்கியத்துவம் வழங்கும் என கூறப்படுகிறது. 

அந்த வகையில் சுசுகி அட்வென்ச்சர் மோட்டார்சைக்கிள் மாடலான V-ஸ்டார்ம் 650 மார்ச் 2018 வாக்கில் அறிமுகம் செய்யும் என எதிர்பார்க்கப்படுகிறது. சுசுகியின் இரண்டு மாடல்களும் இந்தியாவிலேயே பொருத்தப்படும் என கூறப்படுகிறது.   



சுசுகியின் GSX-S1000 மாடலின் டீடியூன் செய்யப்பட்ட மாடலாக GSX-S750 உருவாக்கப்பட்டுள்ளது. GSX-S1000 போன்ற வடிவைப்பு கொண்டிருக்கும் வேக்கட் மோட்டார்சைக்கிள் 749சிசி லிக்விட்-கூல்டு, இன்லைன் நான்கு-சிலிண்டர் இன்ஜின் கொண்டிருக்கிறது. இந்த இன்ஜின் 113bhp செயல்திறன் மற்றும் 6-ஸ்பீடு கியர்பாக்ஸ் கொண்டுள்ளது. 

முந்தைய மாடலை போன்றே சுசுகி GSX-S750 மாடலிலும் மல்டி-லெவல் டிராக்ஷன் கண்ட்ரோல் சிஸ்டம் மற்றும் ABS போன்ற வசதிகள் வழங்கப்படுகிறது. இத்துடன் KYB சஸ்பென்ஷன் மற்றும் நிசின் பிரேக் உள்ளிட்டவை வழங்கப்படுகிறது. 

சுசுகி V-ஸ்டார்ம் 650 மாடலில் 645சிசி லிக்விட்-கூல்டு, V-டுவின் இன்ஜின் வழங்கப்பட்டுள்ளது. அட்வென்ச்சர் மோட்டார்சைக்கிளிலும் டிராக்ஷன் கண்ட்ரோல் மற்றும் ABS போன்ற வசதிகள் வழங்கப்படுகிறது. இந்த மாடல் ஸ்டான்டர்டு மற்றும் XT என இரண்டு பதிப்புகளில் வெளியிடப்படுகிறது.

Tamiltech Author

TamilTech

Get the latest news, reviews, developments and trends in all Technology News including Gadgets, Science, Mobile, Internet, New Product Launches, Apps, Games, Creatives, Computing and Other Technology News in Tamil.