மோட்டோரோலா ஸ்மார்ட்போன்களுக்கு தள்ளுபடி

மோட்டோரோலா ஸ்மார்ட்போன்களுக்கு தள்ளுபடி

இந்தியாவில் பண்டிகை கால விற்பனையை அதிகரிக்கும் நோக்கில் மோட்டோரோலா இந்தியா புதிய சலுகைகளை அறிவித்துள்ளது. மோட்டோ அறிவிப்பின் படி மோட்டோரோலா ஸ்மார்ட்போன்களின் முன்னணி மாடல்கள் அக்டோபர் 14-ம் தேதி முதல் அக்டோபர் 21-ம் தேதி வரை தள்ளுபடி செய்யப்பட்ட விலையில் விற்பனை செய்யப்பட இருக்கிறது. 

மோட்டோரோலா ஸ்மார்ட்போன்களின் விலை குறைக்கப்பட்டிருப்பதோடு சுலப மாத தவணை முறை வசதி, ஜியோ வாடிக்கையாளர்களுக்கு பிரத்தியேக சலுகை உள்ளிட்டவை வழங்கப்பட இருக்கிறது. அந்த வகையில் மோட்டோரோலா ஸ்மார்ட்போன்களின் தள்ளுபடி செய்யப்பட்ட விலை பட்டியலை தொடர்ந்து பார்ப்போம்.

\"\"

மோட்டோ இசட் 2 பிளே : முந்தைய விலையில் இருந்து ரூ.3000 தள்ளுபடி செய்யப்பட்டு ரூ.24,999க்கு விற்பனை செய்யப்படுகிறது.

மோட்டோ G5S: இந்தியாவில் அதிகம் விற்பனையாகி வரும் மோட்டோ G5S விலையில் ரூ.1000 குறைக்கப்பட்டுள்ளது. வாடிக்கையாளர்கள் புதிய மோட்டோ G5S ரூ.12,999க்கு விற்பனை செய்யப்பட இருக்கிறது.

மோட்டோ எம் 4ஜிபி + 64 ஜிபி: மோட்டோ எம் ஸ்மார்ட்போன் வாங்குவோருக்கு ரூ.3000 விலை குறைக்கப்படுகிறது. அந்த வகையில் மோட்டோ எம் ஸ்மார்ட்போனினை ரூ.12,999க்கு வாங்க முடியும். 

மோட்டோ G5 பிளஸ் 32 ஜிபி: மோட்டோ G5 பிளஸ் ஸ்மார்ட்போன் ரூ.1000 குறைக்கப்பட்டு தற்சமயம் ரூ.13,999க்கு விற்பனை செய்யப்படுகிறது.

மோட்டோ G5: சமீபத்தில் மோட்டோரோலா அறிமுகம் செய்த மோட்டோ G5 ஸ்மார்ட்போன் ரூ.10,999 விலையில் விற்பனை செய்யப்படுகிறது. இது முந்தைய விலையை விட ரூ.1000 குறைவு ஆகும். 

மோட்டோ இ4: மோட்டோவின் பிரபல இ சீரிஸ் நான்காம் தலைமுறை ஸ்மார்ட்போனின் விலை ரூ.800 குறைக்கப்பட்டு தற்சமயம் ரூ.8,199க்கு விற்பனை செய்யப்படுகிறது. 

மோட்டோ சி: மோட்டோரோலா மோட்டோ சி ஸ்மார்ட்போனின் விலையில் ரூ.1,100 குறைக்கப்பட்டு ரூ.5,699க்கு விற்பனை செய்யப்படுகிறது.

மோட்டோரோலா ஸ்மார்ட்போன்களுக்கு விலை குறைப்பு மட்டுமின்றி வட்டியில்லா மாத தவணை முறை வசதி, மற்ற சாதனங்களுக்கு பஜாஜ் ஃபைனான்ஸ் மற்றும் ஹோம் கிரெடிட் மூலம் வழங்கப்படுகிறது. இத்துடன் ஜியோ வாடிக்கையாளர்களுக்கு 100 ஜிபி கூடுதல் டேட்டா வழங்கப்படுகிறது.

மோட்டோ இசட் 2 பிளே வாங்கும் வாடிக்கையாளர்கள் JBL சவுண்டு பூஸ்ட் MOD சாதனத்தை 50 சதவிகிதம் தள்ளுபடியில் பெற முடியும்.

Tamiltech Author

TamilTech

Get the latest news, reviews, developments and trends in all Technology News including Gadgets, Science, Mobile, Internet, New Product Launches, Apps, Games, Creatives, Computing and Other Technology News in Tamil.