ரேன்சம்வேர் அச்சுறுத்தல்: இந்திய கணினி ஆய்வு மையம் எச்சரிக்கை

ரேன்சம்வேர் அச்சுறுத்தல்: இந்திய கணினி ஆய்வு மையம் எச்சரிக்கை

உலகளவில் பல்வேறு நிறுவனங்களை பாதித்த வானாகிரை ரான்சம்வேர் போன்று லாக்கி எனும் புதிய ரான்சம்வேர் இந்தியாவில் வேகமாக பரவி வருவதாக இந்திய கணினி ஆய்வு குழு (Indian Computer Emergency Response Team) தெரிவித்துள்ளது. புதிய வகை லாக்கி ரான்சம்வேர் பாதிப்பில் இருந்து தற்காத்து கொள்ள தேவையான நடவடிக்கைகளை மேற்கொள்ள அறிவுறுத்தப்பட்டுள்ளது.
 
மின்னஞ்சல் சேவைகளை பயன்படுத்தும் போது கூடுதல் கவனமாக இருக்க வேண்டும் என்றும், சந்தேகத்திற்குரிய மின்னஞ்சல்களை கிளிக் செய்ய வேண்டாம் என்றும் தெரிவிக்கப்பட்டுள்ளது. நி்றுவனங்களில் ஆன்டி-ஸ்பேம் வழிமுறைகள் மற்றும் ஸ்பேம் பிளாக் பட்டியலை மேம்படுத்த வேண்டும் என்றும் அறிவுறுத்தப்பட்டுள்ளது. 
 
இத்துடன் ஆன்டிவைரஸ் மென்பொருள்களை பயன்படுத்தி கணினிகளை பாதுகாப்பாக வைக்க வேண்டும் என தெரிவிக்கப்பட்டுள்ளது. லாக்கி ரான்சம்வேர் பாதிப்பில் சிக்காமல் இருக்க இந்திய கணினி ஆய்வு மையம் பல்வேறு முன்னெச்சரிக்கை நடவடிக்கைகளை பட்டியலிட்டுள்ளது. 
 
\"\"
 
2016-ம் ஆண்டு வெளியான லாக்கி ரேன்சம்வேர், கணினிகளில் உள்ள தரவுகளை என்க்ரிப்ட் செய்து, அவற்றை விடுவிக்க ரேன்சம் கேட்கும். மின்னஞ்சல்களில் ஸிப் (zip) ஃபைல் வடிவில் பரவி வரும் லாக்கி விஷுவல் பேசிக் ஸ்க்ரிப்ட்களை கொண்டிருக்கிறது. இதனை கிளிக் செய்ததும், லாக்கி உங்களது கம்ப்யூட்டர்களில் டவுன்லோடு செய்யப்பட்டு விடும். 
 
ஒருமுறை லாக்கி உங்களது கம்ப்யூட்டரில் டவுன்லோடு ஆகிவிட்டால், கணினியில் இருக்கும் அனைத்து ஃபைல்களும் என்க்ரிப்ட் செய்யப்பட்டு அவை “.lukitus” அல்லது “.diablo6” என்ற எக்ஸ்டென்ஷன்களில் மாற்றப்படும். முன்னதாக என்க்ரிப்ட் செய்யப்பட்ட ஃபைல்கள் “.locky” என்ற எக்ஸ்டென்ஷன்களில் மாற்றப்பட்டது. 
 
என்க்ரிப்ட் செய்யப்பட்டதும், கணினியின் டெஸ்க்டாப் பேக்கிரவுண்டு “Lukitus.htm” என்ற தலைப்பில் “htm” ஃபைலாக மாற்றப்படும். இந்த ஃபைலில் எவ்வாறு ரேன்சம் செலுத்த வேண்டும் என்ற தகவல்கள் இடம்பெற்றிருக்கும்.
 
இதுவரை வெளியாகியுள்ள தகவல்களில் ஹேக்கர்கள் .5 முதல் 1 பிட்காயின்கள் ரேன்சம் தொகையாக கேட்கின்றனர் என தெரியவந்துள்ளது. இது இந்திய மதிப்பில் ரூ,2 லட்சம் ஆகும். இத்துடன் லாக்கி ரேன்சம்வேர் போலி டிராப்பாக்ஸ் மூலம் பரவி வருவதாக கூறப்படுகிறது. 
Tamiltech Author

TamilTech

Get the latest news, reviews, developments and trends in all Technology News including Gadgets, Science, Mobile, Internet, New Product Launches, Apps, Games, Creatives, Computing and Other Technology News in Tamil.