இந்தியாவில் சாம்சங் ஸ்மார்ட்போன் விலை அதிரடி குறைப்பு

இந்தியாவில் சாம்சங் ஸ்மார்ட்போன் விலை அதிரடி குறைப்பு

சாம்சங் நிறுவனம் சமீபத்தில் இந்தியாவில் அறிமுகம் செய்த கேலக்ஸி ஜெ4 பட்ஜெட் ஸ்மார்ட்போனின் விலையை குறைத்துள்ளது. இந்த ஆண்டு ஜூன் மாதத்தில் அறிமுகம் செய்யப்பட்ட கேலக்ஸி ஜெ4 விலை ரூ.11,990 என நிர்ணயம் செய்யப்பட்டிருந்தது. அந்த வகையில் தற்சமயம் ரூ.1,000 விலை குறைக்கப்பட்டு ரூ.10,990 விலையில் விற்பனை செய்யப்படுகிறது.

 

மேக் ஃபார் இந்தியா திட்டத்தின் கீழ் அறிமுகம் செய்யப்பட்ட கேலக்ஸி ஜெ4 ஸ்மார்ட்போனில் ஆப் பேர், அட்வான்ஸ்டு மெமரி மேனேஜ்மென்ட், அடாப்டிவ் வைபை மற்றும் சாம்சங் மால் உள்ளிட்ட அம்சங்களை கொண்டுள்ளது. சிறப்பம்சங்களை பொருத்த வரை 5.5 இன்ச் சூப்பர் AMOLED 16:9 ஆஸ்பெக்ட் ரேஷியோ டிஸ்ப்ளே கொண்டிருக்கும் கேலக்ஸி ஜெ4 ஸ்மார்ட்போன் சாம்சங்-இன் எக்சைனோஸ் 7570 குவாட்கோர் பிராசஸர், 2 ஜிபி ரேம் கொண்டுள்ளது.

 

புகைப்படங்களை எடுக்க 13 எம்பி பிரைமரி கேமரா, எல்இடி ஃபிளாஷ், 5 எம்பி செல்ஃபி கேமரா, எல்இடி ஃபிளாஷ் வழங்கப்பட்டுள்ளது. எனினும் புதிய ஸ்மார்ட்போனில் கைரேகை சென்சார் மற்றும் ஃபேஸ் அன்லாக் போன்ற அம்சங்கள் வழங்கப்படவில்லை. ஆன்ட்ராய்டு 8.0 சார்ந்த எக்ஸ்பீரியன்ஸ் யூசர் இன்டர்ஃபேஸ் மற்றும் 3000 எம்ஏஹெச் பேட்டரி மூலம் சக்தியூட்டப்படுகிறது.

 

 

சாம்சங் கேலக்ஸி ஜெ4 சிறப்பம்சங்கள்:

 

- 5.5 இன்ச் 1280x720 பிக்சல் ஹெச்டி சூப்பர் AMOLED டிஸ்ப்ளே

- 1.4 ஜிகாஹெர்ட்ஸ் ஆக்டா-கோர் எக்சைனோஸ் 7570 14nm பிராசஸர்

- மாலி-T720 MP1

- 2 ஜிபி ரேம்

- 16 ஜிபி இன்டெர்னல் மெமரி 

- மெமரியை கூடுதலாக நீட்டிக்கும் வசதி

- ஆன்ட்ராய்டு 8.0 ஓரியோ

- டூயல் சிம் ஸ்லாட்

- 13 எம்பி பிரைமரி கேமரா, எல்இடி ஃபிளாஷ், f/1.9

- 5 எம்பி செல்ஃபி கேமரா, எல்இடி ஃபிளாஷ், f/2.2

- 4ஜி வோல்ட்இ, வைபை, ப்ளூடூத்

- 3000 எம்ஏஹெச் பேட்டரி

 

கடந்த வாரம் சாம்சங் நிறுவனம் கேலக்ஸி ஏ8 ஸ்டார் ஸ்மார்ட்போனினை இந்தியாவில் வெளியிட்டது. ரூ.34,999 பட்ஜெட்டில் அறிமுகம் செய்யப்பட்டுள்ள புதிய ஸ்மார்ட்போன் அமேசான் தளத்தில் மட்டும் பிரத்யேகமாக விற்பனை செய்யப்படுகிறது. கேலக்ஸி ஏ8 ஸ்டார் மாடலில் 6.3 இன்ச் FHD பிளஸ் 18:9 ரக டிஸ்ப்ளே, கார்னிங் கொரில்லா கிளாஸ் கொண்டு பாதுகாக்கப்படுகிறது.

 

ஆன்ட்ராய்டு 8.0 ஓரியோ இயங்குதளம் கொண்டிருக்கும் கேலக்ஸி ஏ8 ஸ்டார் மாடலில் குவால்காம் ஸ்னாப்டிராகன் 660 பிராசஸர் கொண்டிருக்கிறது. மெமரியை பொருத்த வரை 6 ஜிபி ரேம், 64 ஜிபி இன்டெர்னல் மெமரி, மெமரியை கூடுதலாக நீட்டிக்கும் வசதி வழங்கப்படுகிறது.

Tamiltech Author

TamilTech

Get the latest news, reviews, developments and trends in all Technology News including Gadgets, Science, Mobile, Internet, New Product Launches, Apps, Games, Creatives, Computing and Other Technology News in Tamil.