சத்தான ஸ்நாக்ஸ் கேழ்வரகு முறுக்கு

சத்தான ஸ்நாக்ஸ் கேழ்வரகு முறுக்கு

தேவையான பொருட்கள் :

கேழ்வரகு மாவு - 3 கிண்ணம்
அரிசி மாவு - 2 கிண்ணம்
உளுந்து மாவு - 1 கிண்ணம்
பெருங்காயம் பொடி - சிட்டிகை
மிளகாய் தூள் - அரை ஸ்பூன்
எள் - 1 டீஸ்பூன்
வெண்ணெய் - 1 டீஸ்பூன்
உப்பு - தேவையான அளவு
தண்ணீர் - தேவையான அளவு
எண்ணெய் - தேவையான அளவு

\"\"

செய்முறை :

* ஒரு பாத்திரத்தில் 1 ஸ்பூன் எண்ணெய் ஊற்றி சூடாக்கவும். அதில் உளுந்து மாவை லேசாக வறுத்துக் கொள்ளவும். 

* அடுத்து கேழ்வரகு மாவை போட்டு வறுக்கவும்.

* ஒரு பாத்திரத்தில் வறுத்த மாவுடன் அரிசி மாவு, உப்பு, எள், பெருங்காயத்தூள், மிளகாய் தூள், வெண்ணெய் கலந்து தேவையான தண்ணீர் விட்டு முறுக்கு மாவு பதத்தில் பிசைந்து கொள்ளவும்.

* பிசைந்த மாவை தேன்குழல் (முறுக்கு) அச்சில் மாவை போட்டு, பின் அதனை ஒரு காட்டன் துணியில் முறுக்கு போன்று பிழிய வேண்டும்.

* ஒரு அகன்ற வாணலியை அடுப்பில் வைத்து, அதில் பொரிப்பதற்கு தேவையான அளவு எண்ணெய் ஊற்றி சூடானதும் அதில் பிழிந்து வைத்துள்ள முறுக்குகளை எண்ணெயில் போட்டு பொரித்து எடுக்கவும். 

* கேழ்வரகு முறுக்கு ரெடி.

* (சத்தம் அடங்கியதும் எடுத்து விட வேண்டும்… ராகி நிறத்தில் பொன்னிறம் எல்லாம் கண்டுபிடிக்க முடியாது.)

Tamiltech Author

TamilTech

Get the latest news, reviews, developments and trends in all Technology News including Gadgets, Science, Mobile, Internet, New Product Launches, Apps, Games, Creatives, Computing and Other Technology News in Tamil.