சியோமி ரெட்மி 4 ஆஃப்லைன் விற்பனைக்கு வந்தது

சியோமி ரெட்மி 4 ஆஃப்லைன் விற்பனைக்கு வந்தது

இந்தியாவில் மே மாத வாக்கில் வெளியிடப்பட்ட சியோமி ரெட்மி 4 ஸ்மார்ட்போன் அமேசான் மற்றும் சியோமியின் Mi.com தளத்தில் மட்டும் விற்பனை செய்யப்பட்டது. இந்நிலையில் புதிய ஸ்மார்ட்போன் ஆஃப்லைன் முறையில் விற்பனை செய்யப்படும் என சியோமி அறிவித்துள்ளது. 
 
இந்தியாவில் மூன்று வித மெமரி மாடல்களில் கிடைக்கும் ரெட்மி 4 ஸ்மார்ட்போனில் 2 ஜிபி ரேம், 16 ஜிபி இன்டெர்னல் மெமரி, 3 ஜிபி ரேம், 32 ஜிபி இன்டெர்னல் மெமரி, 4 ஜிபி ரேம் மற்றும் 64 ஜிபி இன்டெர்னல் மெமரிக்களில் வெளியிடப்பட்டுள்ளது. இவற்றின் விலை முறையே ரூ.6,999, ரூ.8,999 மற்றும் ரூ.10,999 என நிர்ணயம் செய்யப்பட்டது.    
 
புதிய ரெட்மி 4 ஆஃப்லைன் விற்பனை குறித்து முதலில் தகவல் வெளியிட்ட 91மொபைல்ஸ் அனைத்து மாடல்களின் விலை ஆஃப்லைனில் ரூ.500 அதிகரிக்கப்பட்டுள்ளதாக தெரிவிக்கப்பட்டுள்ளது. அதன்படி 2 ஜிபி ரேம் கொண்ட ரெட்மி 4 ரூ.7,499, 3 ஜிபி ரேம் மாடல் ரூ.9,499 வரை நிர்ணயம் செய்யப்படலாம் என குறிப்பிடப்பட்டுள்ளது. எனினும் இவற்றின் விலை ஒவ்வொரு விற்பனையாளரிடம் மாறுபடும் என சியோமி தெரிவித்துள்ளது. 
 
\"\"
 
சியோமி ரெட்மி 4 சிறப்பம்சங்கள்:
 
* 5.0 இன்ச் எச்டி டிஸ்ப்ளே
* 1.4 ஜிகாஹெர்ட்ஸ் ஆக்டா கோர் குவால்காம் ஸ்னாப்டிராகன் 435 பிராசஸர்
* 13 எம்பி பிரைமரி கேமரா, எல்இடி பிளாஷ்
* 5 எம்பி செல்ஃபி கேமரா
* 4100 எம்ஏஎச் பேட்டரி
* ஆண்ட்ராய்டு 6.0 மார்ஷ்மல்லோ
 
சியோமி ஸ்மார்ட்போன்கள் ஒவ்வொரு வெள்ளி கிழமையும் முன்பதிவு முறையில் விற்பனை செய்யப்படுவது போன்று இன்று மதியம் 12.00 மணிக்கும் விற்பனை நடைபெற்றது. பிளாஷ் முறையில் வாங்காதவர்கள் ரெட்மி 4, ரெட்மி நோட் 4 மற்றும் ரெட்மி 4ஏ ஸ்மார்ட்போன்களை முன்பதிவு செய்து வாங்கிட முடியும். 
 
சியோமி நிறுவனத்தின் புதிய ஆஃப்லைன் விற்பனை முறையைத் தொடர்ந்து ரெட்மி 4 ஸ்மார்ட்போன்களின் விற்பனை மேலும் அதிகரிக்கும் என எதிர்பார்க்கப்படுகிறது. 
Tamiltech Author

TamilTech

Get the latest news, reviews, developments and trends in all Technology News including Gadgets, Science, Mobile, Internet, New Product Launches, Apps, Games, Creatives, Computing and Other Technology News in Tamil.