ஜெர்மானிய கலைஞருக்கு கூகுள் கௌரவம்

ஜெர்மானிய கலைஞருக்கு கூகுள் கௌரவம்

ஜெர்மனியைச் சேர்ந்த ஓவியர் ஒஸ்கார் ஷ்லெமெரின் 130வது பிறந்தநாளை முன்னிட்டு கூகுள் சிறப்பு டூடுல் வெளியிட்டு கௌரவித்துள்ளது. 

ஜெர்மனியில் உள்ள ஸ்டர்ட்கார்ட் என்ற இடத்தில் 1888ஆம் ஆண்டு செப்டம்பர் 4ஆம் தேதி பிறந்தார் ஒஸ்கார் ஷ்லெமெர். ஓவியம், சிற்பம், நடனம், மேடை நிகழ்த்துக்கலை என பல விதங்களில் சிறந்து விளங்கியவரான இவர் பல கலைஞர்களுக்கு முன்னோடியாகத் திகழ்ந்தார். 

பல கலைகளில் அவர் கொண்டிருந்த நாட்டம் டேவிட் போயி போன்ற இசைக் கலைஞர்களையும் கவர்ந்தது. 

ஷெல்மரின் 130வது பிறந்தநாளான இன்று கூகுள் அவரை கௌரவிக்கும் விதமாக டூடூல் ஒன்றை வெளியிட்டுள்ளது. அத்துடன் இவரது படைப்பைப் பற்றிய குறிப்பில், "1922ஆம் ஆண்டு வரைந்த 'ட்ரையாடிக் பாலெட்' (Triadic Ballet) என்ற இவரது நடன நிகழ்வு மிகவும் புகழ்பெற்றது. உலோக முகமூடிகளை அணிந்து இயந்திரத்தைப் போன்ற உருவங்கள் ஆளும் பாலே யாரும் நினைத்துப் பார்க்க முடியாதது" என கூகுள் குறிப்பிட்டுள்ளது. 


"கலாப்பூர்வமான மனத்தத்துவக் கணிதம்" எனவும் "வடிவங்கள் மற்றும் நிறங்களின் ஆட்டம்" எனவும் நிகழ்த்துக்கலையைப் பற்றிக் குறிப்பிடுகிறார் ஷ்லெமெர். 

ஆறு வயதிலேயே ஜெர்மனியின் வெய்மரில் உள்ள புகழ்பெற்ற வால்டர் குரோபியஸின் பஹாஸ் கலைப் பள்ளியில் சேர்ந்தார் ஷ்லெமெர். “வெளியில் மனித உருவங்கள் அமர்தல், படுத்தல், நடத்தல், நிற்றல் என வழக்கமான செயல்களுடன் நகர்ந்துகொண்டிருக்கின்றன. அவை உலகம் முழுவதுக்கும் பொருந்தும் எளிமையுடையவை.” என்று தன் படைப்புகளைப் பற்றிக் கூறுகிறார். 

Tamiltech Author

TamilTech

Get the latest news, reviews, developments and trends in all Technology News including Gadgets, Science, Mobile, Internet, New Product Launches, Apps, Games, Creatives, Computing and Other Technology News in Tamil.