டாடா மோட்டார்ஸ் நிறுவனத்தின் டிகோர் XM மாடல் இந்தியாவில் வெளியானது

டாடா மோட்டார்ஸ் நிறுவனத்தின் டிகோர் XM மாடல் இந்தியாவில் வெளியானது

டாடா மோட்டார்ஸ் நிறுவனத்தின் டிகோர் XM மாடல் கார் இந்தியாவில் ரூ.4.99 லட்சம் (எக்ஸ்-ஷோரூம், டெல்லி) விலையில் அறிமுகம் செய்யப்பட்டுள்ளது. ஒன்பது முக்கிய அம்சங்கள் நிறைந்த புதிய எடிஷன் பண்டிகை காலத்தை குறிவைத்து வெளியிடப்பட்டுள்ளது.

டிகோர் XM மாடலில் இன்ஃபோடெயின்மென்ட் சிஸ்டம், மேனுவல் சென்ட்ரல் லாக்கிங், பவர் விண்டோஸ், எல்இடி ஃபியூயல் காஜ், ஃபுல் ஃபேப்ரிக் சீட், இன்டீரியர் மின்விளக்குகள் மற்றும் ஃபுல் வீல் கவர் கொண்டுள்ளது. புதிய மாடல் கார் செடான் ரக கார்களின் விற்பனையை ஊக்குவிக்கும் என்றும் வாடிக்கையாளர்கள் வழங்கும் பணத்திற்கு வித்தியாச அனுபவத்தை வழங்கும் என தெரிவிக்கப்பட்டது.

\"\"

டிகோர் XM மாடல் பெட்ரோல் மற்றும் டீசல் இன்ஜின் மற்றும் மேனுவல் டிரான்ஸ்மிஷன் கொண்டுள்ளது. புதிய மாடல் அனைத்து டாடா மோட்டார்ஸ் விற்பனை மையங்களிலும் செப்டம்பர் 15-ம் தேதி முதல் கிடைக்கும் என தெரிவிக்கப்பட்டுள்ளது. புதிய XM மாடலில் 1.2 லிட்டர் மூன்று-சிலிண்டர் பெட்ரோல் இன்ஜின் 84 HP மற்றும் 114 NM டார்கியூ செயல்திறன் மற்றும் லிட்டருக்கு 22 கிலோமீட்டர் மைலேஜ் வழங்கும் என தெரிவிக்கப்பட்டுள்ளது.

புதிய டாடா டிகோர் XE பெட்ரோல் மாடல் விலை ரூ.4.58 லட்சத்தில் துவங்கி அதிகபட்சம் டாப்-ஸ்பெக் டீசல் XL (O) ட்ரிம் மாடல் விலை ரூ.6.87 லட்சம் என நிர்ணயம் செய்யப்பட்டுள்ளது. புதிய டிகோர் மாடல் இந்தியாவில் ஹூன்டாய் அக்சென்ட், மாருதி டிசையர், ஃபோர்டு ஆஸ்பையர், ஃபோக்ஸ்வேகன் அமியோ உள்ளிட்ட மாடல்களுக்கு போட்டியாக அமைந்துள்ளது.

பண்டிகை காலத்தை முன்னிட்டு அறிமுகமாகியுள்ள டாடா டிகோர் XM விற்பனையில் நல்ல வரவேற்பை பெறும் என எதிர்பார்க்கப்படுகிறது.

Tamiltech Author

TamilTech

Get the latest news, reviews, developments and trends in all Technology News including Gadgets, Science, Mobile, Internet, New Product Launches, Apps, Games, Creatives, Computing and Other Technology News in Tamil.