வட துருவத்தில் ஆய்வுக்கூடம் அமைக்க இஸ்ரோ திட்டம்

வட துருவத்தில் ஆய்வுக்கூடம் அமைக்க இஸ்ரோ திட்டம்

இஸ்ரோ தனது முதல் அயல்நாட்டு ஆய்வுக்கூடத்தை வட துருவத்தில் அமைக்க திட்டமிட்டுள்ளது. 

பேரிடர் மேலாண்மைக்கு பெரிதும் பயன்படும் வகையில் வட துருவத்தில் தனது முதல் அயல்நாட்டு ஆய்வுக்கூட்டத்தை இஸ்ரோ அமைக்க உள்ளது. இந்திய ரிமோட் சென்சிங் (Indian Remote Sensing) செயல்பாடுகளை இதன் மூலம் அதிகப்படுத்த முடியும் என்று இஸ்ரோ கருதுகிறது. 

பல்வேறு செயற்கைக் கோள்களின் தகவல்களைப் பெற்று செயல்படும் தேசிய ரிமோட் சென்சிங் மையம் ஏற்கெனவே ஹைதராபாத்தில் உள்ளது. இது பேரிடர் காலங்களில் மிகவும் பயனளிப்பதாக உள்ளது. 

இது பற்றி இஸ்ரோ அதிகாரி ஒருவர் கூறுகையில், “வட துருவ ஆய்வுக்கூடத்தை அமைப்பதிற்கு இஸ்ரோ முனைப்புடன் உள்ளது. வட துருவத்திற்கு பொருட்களை எடுத்துச் செல்வது, சர்வதேச அமைப்புகளின் ஒப்புதல் மற்றும் ஒத்துழைப்பைப் பெறுவது போன்றவற்றால் இத்திட்டம் நிறைவேற தாமதமாகலாம். ஆனால், உறுதியாக இத்திட்டம் நிறைவேறும்.” எனக் குறிப்பிட்டார்.

 

Tamiltech Author

TamilTech

Get the latest news, reviews, developments and trends in all Technology News including Gadgets, Science, Mobile, Internet, New Product Launches, Apps, Games, Creatives, Computing and Other Technology News in Tamil.