விரைவில் வெளியாக இருக்கும் மாருதி சுசுகி எஸ்-கிராஸ் ஃபேஸ்லிஃப்ட்

விரைவில் வெளியாக இருக்கும் மாருதி சுசுகி எஸ்-கிராஸ் ஃபேஸ்லிஃப்ட்

மாருதி சுசுகி நிறுவனம் மேம்படுத்தப்பட்ட எஸ்-கிராஸ் ஃபேஸ்லிஃப்ட் இம்மாத இறுதியில் வெளியிட இருக்கிறது. இதற்கான முன்பதிவுகள் செப்டம்பர் மாத இறுதியில் துவங்கும் என டெல்லியில் உள்ள விற்பனையாளர் தெரிவித்ததாக கூறப்படுகிறது. 

முதற்கட்டமாக 2016-ம் ஆண்டு பாரிஸ் நகரில் நடைபெற்ற மோட்டார் விழாவில் அறிமுகம் செய்யப்பட்ட எஸ்-கிராஸ் புதிய அம்சங்களுடன் மேம்படுத்தப்பட்டுள்ளது. 2017 மாருதி சுசுகி எஸ்-கிராஸ் முன்பக்கம் க்ரோம் ஃபின்ஷ் செய்யப்பட்ட பிரம்மாண்டமான கிரில் மற்றும் ப்ரோஜெக்டர் ஹெட்லேம்ப்கள், புதிய பம்ப்பர் வழங்கப்பட்டுள்ளது. பி்ன்புறம் மெல்லிய எல்இடி டெயில் லேம்ப்களும் அழகிய அலாய் வீல்களும் வழங்கப்படுகிறது.

மேம்படுத்தப்பட்ட எஸ்-கிராஸ் மாடலின் இன்டீரியர் அம்சங்களை பொருத்தவரை புதிய மெத்தைகள், டச் ஸ்கிரீன் ஸ்மார்ட் பிளே இன்ஃபோடெயின்மென்ட் சிஸ்டம், ஆப்பிள் கார் பிளே மற்றும் கூகுள் ஆண்ட்ராய்டு ஆட்டோ, நேவிகேஷன் மற்றும் ப்ளூடூத் போன்ற வசதிகள் வழங்கப்படுகிறது.   

\"\"

2017 எஸ்-கிராஸ் ஃபேஸ்லிஃப்ட் மாடலில் 1.3 லிட்டர் DDiS 200 டீசல் இன்ஜின் வழங்கப்பட்டுள்ளது. இந்த இன்ஜின்  88 hp மற்றும் 200 Nm டார்க்யூ கொண்டுள்ளது. இந்த இன்ஜின் 5-ஸ்பீடு மேனுவல் டிரான்ஸ்மிஷன் கொண்டுள்ளது. தற்சமயம் விற்பனையாகும் மாடலில் அதிகப்படியான வரவேற்பு இல்லாத நிலையில் இந்த மாடலில் 1.6 லிட்டர் DDiS 320 டீசல் இன்ஜின் வழங்கப்பட மாட்டாது.

மாருதி சுசுகி எஸ்-கிராஸ் ஃபேஸ்லிஃப்ட் மாடல் ஐந்து நிறங்களில் கிடைக்கு்ம என்றும் இதன் விலை ரூ.8 லட்சத்தில் இருந்து துவங்கும் என எதிர்பார்க்கப்படுகிறது. மேம்படுத்தப்பட்ட எஸ்-கிராஸ் மாடல் தற்சமயம் விற்பனை செய்யப்படும் மாடலை விட ரூ.20,000 முதல் ரூ.30,000 வரை அதிகமாக நிர்ணயம் செய்யப்படும் என எதிர்பார்க்கப்படுகிறது. 

இந்தியாவில் மேம்படுத்தப்பட்ட எஸ்-கிராஸ் ஃபேஸ்லிஃப்ட் ஹூன்டாய் கிரெட்டா, ரெனால்ட் டஸ்டர் மற்றும் நிசான் டெரானோ போன்ற மாடல்களுக்கு போட்டியாக அமையும்.

Tamiltech Author

TamilTech

Get the latest news, reviews, developments and trends in all Technology News including Gadgets, Science, Mobile, Internet, New Product Launches, Apps, Games, Creatives, Computing and Other Technology News in Tamil.