10000mAh பேட்டரி கொண்ட மொபைல் அறிமுகம்; அதுவும் ரூ.15000 பட்ஜெட்டில்!

25W ஃபாஸ்ட் சார்ஜிங் ஆதரவுடன் 10000எம்ஏச் பேட்டரி கொண்ட ஜியோனி M30 அறிமுகம். என்ன விலை, என்னென்ன அம்சங்கள், இதோ

10000mAh பேட்டரி கொண்ட மொபைல் அறிமுகம்; அதுவும் ரூ.15000 பட்ஜெட்டில்!

ஜியோனி நிறுவனம் ஒரு மிகப்பெரிய பேட்டரி பேக்கப் கொண்ட ஒரு ஸ்மார்ட்போனின் மீது பணியாற்றி வருவதாகவும், அதன் பேட்டரித்திறன் 10000எம்ஏஎச் இருக்கும் என்றும் ஒரு தகவல் வெளியானது. அதை உண்மையாக்கும் வண்ணம் இந்நிறுவனம் தனது வீட்டு சந்தையான சீனாவில் ஜியோனி எம்30 ஸ்மார்ட்போனை அறிமுகப்படுத்தியுள்ளது.

ஜியோனி எம் 30 ஸ்மார்ட்போனின் விலை இந்திய மதிப்பின்படி தோராயமாக ரூ.15,000 க்கு அறிமுகமாகி உள்ளது. இது கருப்பு வண்ண விருப்பத்தின் கீழ் மட்டுமே வெளியாகி உள்ளது.

ஸ்மார்ட்போனின் பின்பக்க பேனலில் ஒரு ஃபாக்ஸ் லெதர் பூச்சு உள்ளது. இது சிங்கிள் ரியர் அமைப்பை கொண்டுள்ளது மற்றும் இதன் டிஸ்ப்ளேவின் மேல்-வலது மூலையில் அமைந்துள்ள முன்-கேமராவிற்கான பஞ்ச்-ஹோல் வடிவமைப்பையும் பெற்றுள்ளது.

ஜியோனி எம் 30 ஸ்மார்ட்போனின் விவரக்குறிப்புகள் மற்றும் அம்சங்கள்:

ஜியோனி எம் 30 ஸ்மார்ட்போன் 6.0 இன்ச் அளவிலான எச்டி + எல்சிடி டிஸ்ப்ளேவை கொண்டுள்ளது. அது 1440 x 720 பிக்சல்கள் அளவிலான ஸ்க்ரீன் ரெசல்யூஷனை கொண்டுள்ளது.

மேலும் இந்த புதிய ஜியோனி ஸ்மார்ட்போன் மாலி-ஜி 72 எம்பி 3 ஜி.பீ.யு உடன் மீடியா டெக் ஹீலியோ பி 60 ப்ராசஸர் மூலம் இயக்கப்படுகிறது. இதில் 8 ஜிபி ரேம் மற்றும் 128 ஜிபி அளவிலான இன்டர்னல் ஸ்டோரேஜ் உள்ளது.

கேமராக்களை பொறுத்தவரை, ஜியோனி எம் 30 ஸ்மார்ட்போன் ஆனது 16 மெகாபிக்சல் பின்புற கேமராவுடன் சிங்கிள் எல்இடி ப்ளாஷை கொண்டுள்ளது. முன்பக்கத்திற்கு, செல்பீ மற்றும் வீடியோ அழைப்புக்கு 8 மெகாபிக்சல் செல்பி ஷூட்டர் உள்ளது.

ஜியோனி எம் 30 ஸ்மார்ட்போனின் முக்கிய சிறப்பம்சமாக 25W ஃபாஸ்ட் சார்ஜிங் ஆதரவுடன் கூடிய 10,000 எம்ஏஎச் பேட்டரி திகழ்கிறது. மேலும் இது ரிவர்ஸ் சார்ஜிங் ஆதரவையும் கொண்டுள்ளது.

இணைப்பு விருப்பங்களை பொறுத்தவபாய், இதில் டூயல் 4ஜி VoLTE, Wi-Fi 802.11 b / g / n, ப்ளூடூத் 4.2, ஜிபிஎஸ், யூ.எஸ்.பி டைப்-சி மற்றும் டூயல் சிம் போன்றவைகளை கொண்டுள்ளது. கடைசியாக ஜியோனி எம்30 ஸ்மார்ட்போன் ஆனது அளவீட்டில் 160.6 x 75.8 x 8.4 மிமீ மற்றும் 305 கிராம் எடையைக் கொண்டுள்ளது.


Click here to join
Telegram Channel for FREE